t Evengelie volgens Marcus 12
41 Hai ging zitten tegen ovverkist over en keek hou mensken der geld in deden. Hail wat rieke lu smeten der n bult in.
42 Dou kwam der n aarme wedevraauw aan, dij der twij kopern muntjes in valen luit. Dat is zoveul as n haalf stuver - hoast niks.
43 Hai raip zien leerlingen en zee: "Ik zeg joe, dizze wedevraauw het meer in kist gooid as aal dij aandern.
44 Dij konden best wat missen van wat of ze over haren. Mor zai het van heur aarmoudje ales wat ze haar der in doan: ales gaf ze doar ze van leven mos."
|